O Castro e o Burela buscan esta semana unha praza nos cuartos da Copa da Raíña de fútbol sala

O equipo chairego xogará na casa este martes e o burelao enfrontarase ao Almagro o mércores

Os dous equipos femininos da provincia que están na máxima categoría do fútbol sala disputarán esta semana a terceira eliminatoria que dá dereito a entrar en cuartos de final da Copa da Raíña.

O primeiro será o FSF Castro Bloques Cando, que recibirá no Municipal ao barcelonés Laínco Rubí FS. Será este martes, ás 20.30 horas.

O mércores 18 será a vez do Pescados Rubén Burela, ao que lle toca viaxar para enfrontarse ao Almagro ás 20.30 horas.

A vitoria significará entrar nos cuartos de final da competición, que terá lugar o 2 de maio.

O equipo chairego superou na segunda eliminatoria, celebrada no mes de novembro, ao Intersala Zaragoza por 1-3, mentres que o burelao goleou ao Bembrive 1-8 a domicilio.