O CB Vila de Meira organiza xornadas de portas abertas para nenos e nenas nados entre 2012 e 2017
O Club de Baloncesto Vila de Meira continuará durante os meses de maio e xuño cunhas xornadas de portas abertas destinadas a nenos e nenas nados nos anos 2012, 2013, 2014, 2015, 2016 e 2017. Esta iniciativa ten como obxectivo achegar o baloncesto aos máis pequenos e promover a práctica deportiva en idades temperás.
As sesións desenvolveranse no pavillón de Meira o 28 de maio e o 18 de xuño, a partir das 18:15 horas. A organización poderá establecer un ou varios grupos segundo o número de inscritos, e os horarios definitivos comunicaranse con dous días de antelación a cada xornada.
A participación é totalmente gratuíta, mais requírese inscrición previa, que debe realizarse con polo menos dous días de antelación a través de WhatsApp, indicando o nome do neno ou nena e o ano de nacemento, nos números 650 790 058 (Diego) ou 653 605 462 (Manuel).
As actividades estarán dirixidas por adestradores titulados e incluirán seguro de responsabilidade civil, garantindo un entorno seguro e formativo.