O CEIP Otero Pedrayo de Rábade organiza desde o luns unha serie de actividades polo Samaín
O CEIP Otero Pedrayo organiza varias actividades para celebrar o Samaín 2024, cunha ampla programación dirixida ao público infantil, que se desenvolverá entre o 21 e o 30 de outubro
Unha das principais atraccións será a Exposición de Vasoiras Terroríficas, dispoñible durante toda a semana. Ademais, os pequenos poderán gozar dunha serie de actividades moi diversas como un obradoiro de cociña o 28 de outubro e sesións de cine o 29.
O día grande será o 30 de outubro, con contacontos de medo, obradoiro de tatuaxes e a especial actividade de Pócema sanguenta.
O 30 de outubro, todos os nenos e nenas están convidados a asistir disfrazados para festexar o Samaín por todo o alto.
O CEIP Otero Pedrayo anima a todas as familias a participar nunha semana repleta de actividades divertidas e cheas de creatividade, perfectas para vivir a maxia do Samaín.