O CEIP Virxe do Carme de Burela participará nun seminario en Segovia
O CEIP Plurilingüe Virxe do Carme de Burela ven de ser seleccionado para participar no seminario Supporting Multilingual Classrooms (apoio a aulas multilingüísticas) que está organizado polo SEPIE (Servicio español para la internalización de la educación) en coordinación co Centro Europeo de Lenguas Modernas do Consello de Europa e a Dirección General de Educación y Cultura da Comisión Europea.
O mestre do centro burelés, Alfonso Rodríguez, será o encargado de representar ao centro nos seminarios que se desenvolverán os días 12 e 13 de marzo en Segovia. Durante esas dúas xornadas, representantes de 25 centros educativos de toda España, con alta diversidade lingüística e cultural, debaterán sobre a educación inclusiva falando sobre enfoques pedagóxicos plurilingües para dar apoio ao alumnado falante de linguas diferentes ás linguas principais do centro.