O Centro Cultural e Recreativo celebrará o Entroido 2026 cunha xornada festiva para todas as idades
O Centro Cultural e Recreativo xa ten todo preparado para celebrar o Entroido 2026 cun amplo programa de actividades que terá lugar o sábado 14 de febreiro. A xornada estará marcada pola música, o baile e a animación, cunha proposta pensada tanto para o público infantil como para as persoas adultas.
As actividades comezarán ás 17.00 horas cunha festa infantil na que haberá talleres, xogos e música, ademais de churros con chocolate para todas as nenas e nenos asistentes. Esta primeira parte da celebración busca ofrecer un espazo lúdico e participativo no que os máis pequenos poidan gozar do Entroido nun ambiente seguro e festivo.
Xa pola noite, a partir das 23.30 horas, dará comezo o Gran Baile de Entroido, que contará coa actuación de Ello DJ Set e incluirá o sorteo da tradicional Cesta de Entroido. A organización anima á participación da veciñanza nesta cita, que pretende converterse nun punto de encontro para celebrar o Entroido con disfraces, música e bo ambiente.