O Centro Cultural e Recreativo de Vilalba convoca unha asemblea para renovar a súa Directiva
O Centro Cultural e Recreativo de Vilalba anunciou a convocatoria dunha Asemblea Xeral Extraordinaria, que terá lugar hoxe luns, 17 de novembro, no Salón de Actos do propio Centro. A reunión celebrarase en primeira convocatoria ás 19.30 horas e, de non existir quórum suficiente, en segunda convocatoria ás 20.00 horas, coa presenza dos socios e socias que asistan.
A orde do día inclúe tres puntos principais: a lectura e aprobación da acta anterior, a elección da nova Xunta Directiva —cun proceso que contempla a presentación e posterior votación das candidaturas— e, finalmente, a toma de posesión da directiva elixida.
O período de presentación de candidaturas estivo aberto do 6 ao 15 de novembro. As propostas remitíronse en tamaño ao Centro Cultural axustándose ás condicións establecidas nos estatutos da entidade.
A dirección do Centro Cultural e Recreativo fai un chamamento á máxima participación, dada a relevancia dos asuntos que se tratarán nesta convocatoria.