O Centro de Día de Guitiriz gaña o premio das Receitas de Outono con poesía
![receita ganadora guitiriz](https://terrachaxa.com/wp-content/uploads/2021/12/receita-ganadora-guitiriz.jpg)
O Concello de Guitiriz resolveu o premio da actividade Receitas de Outono con poesía, resultando gañadores os usuarios e usuarias do Centro de Día ‘Casa do Capataz’ co seu traballo ‘Castañas con corazón de cabaza’.
Ademais, o xurado quixo facer unha mención especial a Laura del Cerro Torres, valorando o seu esforzo e dedicación ao participar con dúas receitas nesta acción promovida pola biblioteca municipal ‘Casa Habanera’ e o departamento de Educación Familiar do Concello de Guitiriz.
A segunda edición de Receitas de Outono con poesía, convocado con motivo do día das bibliotecas 2021, cumpriu o seu obxectivo de poñer en valor os produtos do outono e dinamizar a lectura e a escritura. O xurado tamén valorou a variedade das receitas presentadas.
Nos próximos días a responsable da biblioteca municipal porase en contacto cos gañadores para facer a entrega dos premios.