A Pastoriza acollerá a primeira fin de semana de xuño a terceira proba do Campeonato Galego de Karting
![ccd67f96 0015 49e2 b009 29cfc8d3dba1](https://terrachaxa.com/wp-content/uploads/2018/05/ccd67f96-0015-49e2-b009-29cfc8d3dba1-1.jpg)
O circuíto da Pastoriza acollerá a fin de semana do 2 e 3 xuño a terceira proba do Campeonato Galego de Karting, na que participarán uns 35 pilotos en sete categorías, rookies (ata 8 anos), alevín, cadete, X30, Superx30, Open125 e KZ2.
O campionato arrincará o sábado cos adestramentos libres, que serán de 11.00 a 14.00 horas e de 15.00 a 19.00 horas, con roldas de 15 minutos por categoría. O domingo será a competición oficial. Ás 9.00 faranse as verificacións para a continuación comezar ás 10.15 cos adestramentos libres. Os oficiais serán a partir das 11.45 horas e as semifinais e finais, comezarán ás 13.15 horas.
En canto aos pilotos da zona, destaca a participación dun equipo de Vilalba, campión na última tempada na categorìa X30, do máis cativo e pontés Adrián Dopico e tamén a salientable presenza feminina, con tres inscritas polo momento.