O circuíto de Outeiro de Rei volve acoller o VF Challenge Moto Race
TerraChaXa | LugoXa
Esta fin de semana terá lugar no circuíto de Outeiro de Rei unha nova tempada da VF Challenge MR para distintas categorías.
![circuito outeiro minivelocidade portada](https://terrachaxa.com/wp-content/uploads/2023/03/circuito-outeiro-minivelocidade-portada.jpg)
17 Mar 2023
Esta fin de semana, 18 e 19 de marzo, dará comezo no circuíto de Outeiro de Rei, en Robra, unha nova tempada das carreiras da VF Challenge MR nas modalidades de supermoto, minivelocidade, pitmotard, GP Sport e Supermoto.
A proba, organizada polo VFM Motoclub coa colaboración do Concello de Outeiro de Rei será puntuable para o Campionato Gelgo de Minivelocidade.
Aínda que a apertura de portas é ás 8.30 horas, a competición iniciarase ás 10.00 e rematará ás 19.36 horas na xornada do sábado. O domingo están previstos os adestramentos cronometrados de 9.30 a 10.58 horas para continuar coas mangas ata as 15.30 horas.
![circuito outeiro minivelocidade](https://terrachaxa.com/wp-content/uploads/thumbs/2023/03/circuito-outeiro-minivelocidade-200x283.jpg)