O Club de Lectura Fillos do Chaira convoca un encontro con Manuel Núñez Singala

Será hoxe luns, ás 19.30 horas no Asador Coto Real

O escritor Manuel Núñez Singala será o protagonista dun encontro literario organizado pola Asociación Cultural Fillos do Chaira con motivo da celebración do primeiro ano de creación do club de lectura. O evento terá lugar o luns 30 de decembro, ás 19:30 horas, no restaurante Asador Coto Real.

Este encontro é unha oportunidade para conversar co autor do libro Instrucións para tomar café, unha obra que foi seleccionada como a primeira lectura do club literario da asociación. A actividade está aberta ao público en xeral e pretende ser un espazo para o intercambio de ideas e reflexións arredor da literatura e da obra de Singala.

Desde Fillos do Chaira agradecen a colaboración da Deputación de Lugo para facer posible esta iniciativa cultural.