O Club de Loita Vilalba remata segundo na Liga Galega de Deporte Base
![equipo base loita olimpica vilalba](https://terrachaxa.com/wp-content/uploads/2024/04/equipo-base-loita-olimpica-vilalba.jpg)
O Club Loitas Olímpicas Vilabla, na Fase Norte da Liga Galega de Deporte Base de Loita, que tivo lugar este sábado en Vila de Cruces acadou o segundo posto.
Nesta fase participaron máis de 200 nenas e nenos de entre 5 e 13 anos en equipos mixtos pertencentes a 7 clubs.
O vilalbés foi un dos máis numerosos rematando en segunda posición por detrás da Escola Ayude de Santiso, e co Keltoi de Vila de Cruces, que quedou terceiro. Estes tres serán os que participen na final A da Liga de Deporte base xunto aos 3 clubs clasificados na pasada Fase Sur.
Esta actividade ten un carácter lúdico no que prima a participación de todas as nenas e nenos con independencia do nivel ou tempo de práctica adaptando o regulamento ás e aos máis novos.
Para a próxima final do 25 de maio contan con levar un equipo con máis deportistas que tentarán demostrar o aprendido durante as escolas deste ano.