O club de vela fluvial das Pontes organiza unha xornada de Bautizos de Navegacion a Vela
O Lago das Pontes converterase este martes, 31 de marzo, no escenario dunha nova edición da Xornada de Bautizos de Navegación a Vela, unha iniciativa impulsada polo Club de Vela Fluvial As Pontes. O obxectivo desta actividade é que os nenos e nenas entren en contacto directo co deporte náutico, o vento e a auga a través dunha experiencia didáctica e divertida nunha paraxe natural privilexiada.
A convocatoria está dirixida especificamente á infancia, concretamente a nenas e nenos nados nos anos 2016, 2017, 2018 e 2019. Para facilitar a asistencia, a organización estableceu dúas quendas diferenciadas, unha en horario de mañá, de 12:00 a 14:00 horas, e outra de tarde, entre as 16:00 e as 18:00 horas.
As persoas interesadas en participar deben tramitar a súa inscrición canto antes para asegurar unha praza, utilizando o formulario oficial dispoñible na ligazón facilitada polo club ou a través da súa biografía en redes sociais.
Para calquera dúbida ou información adicional, o club puxo á disposición do público o correo electrónico clubdevelafluvialaspontes@gmail.com e o número de teléfono 649 461 684.