O Club Fluvial de Friol organiza unha gran Festa de Fin de Ano
O Club Fluvial de Friol prepara unha noite inesquecible para celebrar a chegada do novo ano cunha gran Festa de Fin de Ano, que dará comezo á 1.30 horas da madrugada do día 1 de xaneiro.
Os asistentes serán recibidos cun cocktail de benvida e cotillón para comezar a festa co mellor ambiente. Un dos momentos máis esperados será a actuación en directo de Nerea Cobas, que promete facer bailar a todos ata altas horas da noite.
A celebración continuará coa tradicional recea ás 5.00 horas da mañá, onde se servirá chocolate con churros para repor forzas e rematar a festa cun toque doce.
Ademais, o club anunciou que o 1 de xaneiro estará aberto ata as 15.00 horas para todos aqueles que desexen desfrutar das súas instalacións durante as festas.
Con esta programación especial, o Club Fluvial de Friol convida a todos os veciños e visitantes a despedir o 2024 e dar a benvida ao 2025 nunha noite chea de alegría e bo humor.