O Club Tríatlon Vilalba celebra os venres de portas abertas

Este venres 20 e o próximo 27 estarán no estadio municipal da Madalena entre as 17.00 e as 18.30 horas

O Club Tríatlon Vilalba abriu un novo período de inscrición polo que inicia hoxe dúas xornadas de portas abertas para mostrar á mocidade local tanto o funcionamento deste deporte como o do club.

Así, este venres 20 e o próximo 27 estarán no estadio municipal da Madalena entre as 17.00 e as 18.30 horas, para que os que desexen coñecelos podan achegarse.

"Invitámovos a probar o tríatlon, un deporte que engloba dentro de si mesmo outros tres, que se fai ao aire libre e no que a diversión está a orde do día", explican desde o club.