O Club Violeta celebra este domingo o Torneo Terra Chá de ximnasia rítmica

Dará comezo ás 10.00 horas e estruturarase en tres quendas en función da categoría

Este domingo, 6 de abril, Baamonde converterase no epicentro da ximnasia rítmica coa celebración do Torneo Terra Chá ‘25, un evento que reunirá a clubs de toda Galicia para unha xornada de competición e exhibición.

A competición estruturarase en tres quendas. O Nivel B será de 10:00 a 11:45 horas; Promoción e Prebase será de 12:15 a 14:30 e Escolar de 16:30 a 19:00.

O torneo contará coa participación de numerosos clubs, entre eles: Club Violeta (Baamonde), Club Filigrana (Lugo), A.D. Aixa (Sarria), Club Quicela (Monforte), E.M. Xove, E.X. Porta Norte (Ribadeo), Club Kendra (Monforte), C.R. Atalaia (Sarria), C.X. Viveiro, Club Xirandela (Sarria) e Club Gravity (Lugo).

O evento, organizado polo Club Rítmica Violeta e co apoio do Concello de Begonte, promete unha xornada chea de emoción, talento e paixón pola ximnasia rítmica.