O Combo Dominicano estará nas festas da Graña, en Abadín

Será o sábado na verbena e o venres arrancarán con Gran Parada

A localidade de A Graña, en Abadín, celebra as súa festas na honra de Nosa Señora do Rosario, que dará comezo este venres, 4,  cunha verbena a cargo da orquestra Gran Parada.

O sábado continuarán as celebracións ás 13.30 horas cunha misa e unha procesión. Fénix será a encargada da sesión vermú e a verbena, neste caso xunto ao Combo Dominicano.

O domingo será o último día de festa e despois do oficio relixioso a sesión vermú do grupo Alba poñerá punto final ás celebracións.

A organización lembra que o campo da festa estará cuberto con carpa.