O comercio de Vilalba inicia hoxe unha nova campaña
Mercar no comercio de Vilalba desde hoxe, mércores 4 de outubro, e ata o 11 de outubro ten premio. En concreto 1.000 euros repartidos en tarxetas prepago de 300 e de 50 euros para seguir mercando no comercio da localidade.
A Federación de Comercio de Lugo, a Federación Galega de Comercio e a Consellería de Economía, Industria e Innovación – Dirección Xeral de Comercio e Consumo da Xunta de Galicia, coa colaboración neste caso da Asociación de Empresarios Sete Pontes, poñen en marcha a campaña de dinamización Mercar no teu comercio ten premio.
Así, todos os clientes de Vilalba que realicen compras por importe mínimo de 10 euros no comercio asociado de proximidade entre o 4 e o 11 de outubro, poden participar no sorteo en directo destos 1.000 euros en premios. Este sorteo terá lugar o mércores, 11 de outubro, ás 13.00 horas, na Praza da Constitución. Previamente, os consumidores deberán canxear os seus tickets de compra por boletos de participación nunha carpa que se instalará dende ás 10.00 horas nesta mesma praza.
Dende esa hora, todos os clientes poderán ademáis optar a un agasallo directo participando na Ruleta da Fortuna da Federación de Comercio. A partir das 12.00 horas haberá tamén animación musical.
A campaña Mercar no teu comercio ten premio busca dinamizar o comercio de proximidade e incentivar o consumo. Con esta finalidade celebrarase nun total de 9 localidades da provincia.
