O concelleiro do grupo mixto murés Julio Díaz critica o estado de "abandono" da aldea etnográfica de Carelle
O novo concelleiro do grupo mixto de Muras, Julio Díaz, puxo de relevo o estado de "total abandono" no que se atopa a aldea etnográfica de Carelle, na parroquia do Burgo.
"O lugar languidece como o resto do concello, ante a parsimonia do actual goberno municipal do BNG", dixo o concelleiro, que engadiu que entre o ano 2011 e 2014 o Concello de Muras investiu uns 2 millóns de euros do canon eólico na compra e no acondicionamento do núcleo, formado por tres agrupacións de 12 casas repartidas en 30 hectáreas de terreo. Entre os traballos realizados figuraba a rehabilitación dun forno, un muíño, un lavadoiro, un hórreo e unha forxa.
Díaz afea ao actual Goberno que desde 2015 "só se encargou de enturbar a posta en marcha da aldea con idas e vidas ao xulgado sen sacar nada en limpo e causando grandes prexuízos ás arcas municipais.
"O que podería ser un referente no turismo e motor para o pobo, amosa o seu deterioro entre a maleza", explica acusando ao BNG de mantela pechada. "Aí vese o que loitan e apostan polo rural", explica.
Engadiu tamén que o alcalde sempre defendeu que mestres estivese o proceso no xulgado non se faría ningunha actuación, "pero estivo destinando unha instalación como canceira durante anos sen estar acondicionada e sen os permisos necesarios". Asegurou tamén que outra dotación utilizouse para dar cursos.
Julio Díaz pídelle ao alcalde "que se poña a traballar con coherencia" facendo o mantemento da aldea.