O Concello da Pastoriza organiza unha excursión ás Fragas do Eume
O Concello da Pastoriza organiza unha excursión ás Fragas do Eume e Pontedeume o 8 de outubro, unha actividade pensada para maiores de 55 anos que poderán acudir acompañados. A saída será ás nove da mañá desde a Praza do Concello e o regreso está previsto para as oito da tarde. A xornada inclúe visitas guiadas ao espazo natural das Fragas do Eume, ao seu centro de interpretación e á vila de Pontedeume.
O desprazamento en autobús e o servizo de guía serán gratuítos, mentres que a comida correrá a cargo das persoas participantes. As inscricións deberán formalizarse nas oficinas municipais do Concello.
Con esta iniciativa, o Concello da Pastoriza aposta por promover o coñecemento do patrimonio natural e cultural galego, ao tempo que ofrece unha alternativa de lecer activa e enriquecedora para a veciñanza.