O Concello das Pontes opta por un concurso de disfraces on line
Este ano, debido á situación sanitaria non están permitidos os desfiles de Entroido e desde o Concello das Pontes veñen de anunciar a celebración dun concurso cun novo formato que permitirá manter a participación cidadá sen poñer en risco a saúde da veciñanza e cumprindo con todas as medidas sanitarias.
Trátase dun concurso de disfraces on line con dous formatos, vídeo e fotografía, con catro categorías: Xermolos (pequenos), Nabizas (infantil), Grelos (adultos) e Mada (unidade familiar) nas modalidades individual, parella convivente e unidades familiares (mínimo 3 persoas conviventes).
Un xurado profesional escollerá os mellores disfraces de cada categoría e as persoas premiadas recibirán vales trocables no comercio e a hostalaría local.
As persoas interesadas en participar deberán inscribirse, tras a publicación das bases do concurso, no Rexistro Municipal ou a través da sede electrónica.