Axenda

Comezará o 14 de decembro coa presentación das obras do VI Certame de Poesía Torre de Caldaloba no Museo das Aves

A Asociación de Veciños de San Martiño de Pino presenta a súa programación de Nadal, que comezará o 14 de decembro coa presentación das obras do VI Certame de Poesía Torre de Caldaloba no Museo das Aves.

Xa o día 15 de decembro terá lugar unha excursión a Allariz, onde visitarán o museo do Coiro, do Xoguete e da Moda. Ademais, pasearán pola vila de Allariz e visitarán as súas postais de Nadal.

Xa o 21 de decembro terá lugar unha edición de O cine na escola de Pino, coa proxección da película e actividade educativa infantil e o 28 celebrarase o pre-fin de ano no mesmo centro.

Xa entrados no ano 2025, o día 4 de xaneiro terá lugar a proxección da película Tadeo Jones e haberá unha actividade infantil na Escola de Pino.