Actualidade

Instalar unha empresa de calquera actividade no centro urbano de Friol a partir do un de xaneiro de 2020 non supoñerá custo algún. Desde o Concello está a ultimarse unha ordenanza para bonificar o 95% do custo da licenza de obra dos devanditos proxectos que estean interesados en asentarse en Friol, a maior bonificación que permite a lei.

Desde o Equipo de Goberno que preside o alcalde José Ángel Santos están sensibilizados co asentamento de maior tecido empresarial no municipio, por tanto, apoiarase en todo o que desde a administración local permita a todos os interesados en establecer o seu negocio en Friol.

Segundo o Alcalde, é fundamental que os empresarios, autónomos ou calquera particular interesado en crear unha actividade empresarial senta o apoio incondicional da administración Local, de aí, que "desde o Concello de Friol estamos a facer un importante esforzo económico para conseguir que algún interesado/a en crear actividade empresarial se decante por elixir o noso municipio para a localización da mesma".

Desde o Concello consideran que dar apoio informativo, asesorativo, técnico e a partir do un de xaneiro apenas existan taxas para o asentamento de calquera negocio, é básico para gañarse a confianza de calquera empresario, e polo tanto é unha maneira de asentar tecido empresarial no municipio, con todo o que iso conleva.

"Con novas empresas, conséguese un maior desenvolvemento do tecido empresarial na capitalidade, xérase maior movemento económico en todos os sectores que xa están asentados, como tamén se crearán postos de traballo directos e indirectos, outro dos obxectivos que desde o Equipo de Goberno preténdese, é o de conseguir con esta medida atraer poboación, algo fundamental para a supervivencia dos municipios do interior da provincia de Lugo", engade Santos.

O alcalde lembra que tamén están bonificadas co mesmo porcentaxe as licenzas de obra no Polígono Industrial de Friol, e dada a boa acollida que tivo esta medida preténdese manter dita bonificación e prolongar de novo a ordenanza no mesmo sentido, polo cal, como mínimo estará vixente outros catro anos máis.