O Concello de Vilalba arranxará a vía que dá acceso ao barrio do Coutado, en A Torre
O Pleno de Vilalba aprobou a proposta do tenente de alcalde Modesto Renda relativa á rexeneración completa da vía que lle dá acceso ó barrio do Coutado, na parroquia de A Torre.
Trátase dun novo proxecto de mellora na rede viaria do rural vilalbés, que deixará totalmente renovado unha vía fundamental para os veciños e veciñas da parroquia.
Así, o Concello actuará en toda a vía co recargo e nivelación das capas base mediante tratamentos semiprofundos e á súa pavimentación mediante dobre rega asfáltica en toda a superficie.
Ademais, o proxecto aprobado inclúe a limpeza de cunetas co fin de aumentar a vida útil da estrada. Para financiar esta actuación, dende a Área de Infraestruturas Rurais dispúxose un orzamento de execución por contrata de 6.839,53 euros, que se financiará con cargo ó Plan Único correspondente á presente anualidade 2025.