O Concello de Viveiro pospón o III Premio de Novela Vilar Ponte
![Captura de pantalla 2019 06 13 a las 12.43.03](https://terrachaxa.com/wp-content/uploads/2019/06/Captura-de-pantalla-2019-06-13-a-las-12.43.03.png)
O Concello de Viveiro decidiu pospoñer a celebración do III Premio de Novela Vilar Ponte, que terá lugar en 2021. Esta decisión adoptouse tendo en conta as circunstancias actuais, en aras a preservar a saúde pública e co obxectivo de celebrar o acto de entrega en mellores condicións.
O goberno municipal agarda que o vindeiro ano poida dar continuidade a este certame que naceu co dobre obxectivo de render homenaxe aos irmáns Antón e Ramón Vilar Ponte e recoñecer a súa labor, ao tempo que se pretende apoiar e difundir a literatura en lingua galega.
Confía, ademais, que esa terceira edición sexa un novo éxito e que, igual que nas anteriores, se manteña á alta participación e calidade das obras presentadas, logrando consolidar este premio literario dentro do marco cultural galego.