O concurso de tapas de Vilalba xa ten gañadores
TerraChaXa
O Concurso de tapas vilalbés, realizado con motivo da Feira do Queixo de San Simón da Costa, deu a coñecer os establecementos gañadores.
![concurso de tapas san simon vilalba](https://terrachaxa.com/wp-content/uploads/2022/04/concurso-de-tapas-san-simon-vilalba.jpg)
10 Abr 2022
A Asociación de Empresario Sete Pontes de Vilalba deu a coñecer os gañadores do concurso de tapas vilalbés, realizado con motivo da Feira do Queixo de San Simón da Costa, que tivo lugar a fin de semana pasada.
Así, na categoría de tapa creativa o gañador foi o Parador de Vilalba, que competiu polo título co Hostal O Cristo, Spa Attica21 e Mesón do Campo. Pola contra, o gañador desta categoría para o público foi o Hostal O Cristo.
En tapa tradicional tampouco houbo acordo. O xurado escolleu ao Mesón Xaquinas mentres que o público preferiu Casa Maragata. Tamén quedaron finalistas nesta categoría Bar Trébol e Café Centro.
A data de entrega de premios aínda non se coñece pero será proximamente na casa da cultura vilalbesa.