O espectáculo infantil 'Un saco de contos' chega á Biblioteca de Xermade
A Biblioteca Municipal de Xermade acollerá o mércores 24 de setembro ás 18:00 horas o espectáculo Un saco de contos, da man de Ángeles Goás. A actividade, pensada para achegar a maxia das historias ao público máis novo, está recomendada para nenos e nenas a partir dos 4 anos.
Durante aproximadamente 50 minutos, Goás encherá a biblioteca de fantasía e imaxinación a través deste espectáculo de contacontos, que forma parte do programa de dinamización da lectura.
A iniciativa enmárcase dentro da programación cultural organizada polo Concello de Xermade e o proxecto Ler conta moito, co obxectivo de fomentar o gusto pola lectura e a participación en actividades culturais no ámbito municipal.
Dende a biblioteca convidan a todas as familias a achegarse e desfrutar dunha tarde especial, na que a palabra e a narración oral serán as protagonistas.