O Fendetestas inicia a tempada cunha sesión de Mixed Ability

Servirá de xornada de portas abertas antes do inicio do curso

Carteis da celebración

O club de rugby das Pontes, o Fendetestas, comeza a tempada do mesmo xeito que a terminou, cunha xornada Mixed Ability, unha sesión que é unha forma e entender o deporte incluídos nos equipos a persoas con discapacidade.

No mixed ability rugby emprégase o regulamento oficial de World Rugby e está centrado na categoría sénior, xa que se entende que as categorías inferiores deben ser inclusivas por natureza.

Esta sesión terá lugar este sábado 21 a partir das 11.00 horas no campo artificial das Pontes. Esta sesión é tamén unha oportunidade para todos os que o desexen de coñecer o funcionamento do club e tamén do rugby.