O Grupo Forma-t Vilalba vence no partido de ida do play-off de ascenso á Primeira División feminina de fútbol sala
TerraChaXa
O encontro, disputado cunha gran intensidade, deixa ao conxunto vilalbés máis preto do soñado salto de categoría
15 Jun 2025
O equipo feminino de fútbol sala do Grupo Forma-t Vilalba deu un paso firme cara ao ascenso á Primeira División tras gañar o partido de ida do play-off fronte ao AE Penya Esplugues cun marcador de 5-3.
O encontro, disputado cunha gran intensidade, deixa ao conxunto vilalbés máis preto do soñado salto de categoría, á espera do definitivo encontro de volta.
As goleadoras do partido foron Lara Balseiro, Pasto, Albita e Antia Leal, ademais dun tanto en propia porta do equipo rival. Con este resultado, o Grupo Forma-t Vilalba dependerá de si mesmo no último partido para selar o ascenso á máxima categoría do fútbol sala feminino nacional. A ilusión e a entrega das xogadoras manteñen vivo o soño dunha tempada histórica para o club e a vila.