O loitador José Cuba foi recibido este xoves na Casa do Concello vilalbesa

Tratouse dun encontro para poñer en valor o seu recente vixésimo título de campión de España

A alcaldesa de Vilalba, Marta Rouco, e a concelleira de Deportes, Paula Vigo, recibiron na tarde deste xoves a José Cuba na Casa do Concello.

Tratouse dun encontro para poñer en valor o seu recente vixésimo título de campión de España en loita e conversar sobre a súa traxectoria deportiva, a evolución e as dificultades da mesma.

Tamén estiveron presentes o loitador olímpico Sergei Priadum e Iván Castro, do Club de Loita Vilalba.

"Os nosos parabéns polos teus logros, José Cuba, e ao Club Loita Vilalba polos valores e os éxitos que acadan os vosos deportistas", manifestaron desde o Concello.