O Mago Rafa estará este sábado na praza de Santa María

Englóbase no ciclo de actuacións dentro do programa Emprazadas

Cartel

A iniciativa Emprazadas traerá á praza de Santa María de Vilalba o espectáculo do Mago Rafa para desfrute de grandes e pequenos.

A actuación enmárcase na xira Abracadabra e é unha combinación de ilusión, xogos inexplicables e humor que serven como fío condutor nunha función onde público, maxia e humor son protagonistas.

Será este sábado, 20 de xullo ás 20:30 horas.