O Máster de Futbolín de Rábade celebrarase entre o 18 e o 20 de abril
![WhatsApp Image 2019 02 25 at 10.56.00](https://terrachaxa.com/wp-content/uploads/2017/07/WhatsApp-Image-2019-02-25-at-10.56.00-e1551090521307.jpeg)
Parellas de toda España reuniranse no tradicional Máster de Futbolín de Rábade os días 18,19 e 20 de abril no torneo que reparte uns 10.000 euros en premios, segundo avanzaron desde a organización, para facer coincidir un ano máis esta celebración coa Semana Santa.
Trátase da 22 edición. O número de participantes calcúlase que será como outros anos, aínda que as incripcións, que previsiblemente custaránn 25 euros por persoa, pecharán días antes do torneo. Xogarase no pavillón do colexio, e nas cafeterías Papyrus e Os Castro.
No máster hai as modalidades para tres niveis de parado, movemento, combinada, feminina e infantil. As categorías reinas recibirán como premios 1200 euros e a estancia do ano que vén no Coto Real, as demás categorías repartiranse premios monetarios e roupa deportiva.
Haberá tamén os trofeos Alejandro Finisterre, para o xogador máis regular e o trofeo David García, para o mellor porteiro.
A organización fará a presentación do Máster o 9 de marzo, data na que se fará público o cartel do evento.
![WhatsApp Image 2019 02 25 at 10.56.00(1)](https://terrachaxa.com/wp-content/uploads/thumbs/2017/07/WhatsApp-Image-2019-02-25-at-10.56.001-e1551090512681-200x150.jpeg)