O meu recucho favorito das Pontes anuncia as súas fotografías gañadoras
O meu recuncho favorito das Pontes anunciou as súas obras gañadoras. O primeiro premio, dotado con 200 euros, conseguiuno Charo Parra Ousado e o segundo premio, dotado con 100 euros, foi para David Couce Rodríguez a pesar de finalizar como a cuarta mellor valorada polo xurado xa que non se poden acumular os premios a nivel local nunha mesma persoa, como se sinalaba nas bases.
A instantánea tomada por Charo Parras será impresa en postais, adhesivos e pósteres que servirán de material promocional e turístico desta localidade coruñesa. Ademais optará a gañar un dos premios a nivel nacional da iniciativa Mi rincón favorito, que se entregarán o próximo 27 de setembro, coincidindo co Día Mundial do Turismo.
Devanditos premios nacionais son: 1º Premio: 500 euros, 2º Premio. 400 euros, 3º Premio: 300 euros, 4º Premio. 200 euros, 5º Premio: 100 euros, 5 premios accésit de 50 euros.
O certame O meu recuncho favorito das Pontes desenvolveuse entre o 26 de xaneiro e o 11 de marzo (ambos inclusive) en Instagram cos cancelos #mirinconfavoritodeaspontes e #mirinconfavorito e a el presentáronse un total de 247 fotografías.
O evento enmárcase dentro da segunda edición da iniciativa nacional “Mi rincón favorito” á que, ademais das Pontes e a localidade madrileña de Arroyomolinos, que tamén finalizou xa a súa participación, iranse sumando nos próximos meses municipios e comarcas de toda a xeografía española para mostrar o máis destacado de cada recuncho do país.
O obxectivo da convocatoria é estimular a capacidade creativa dos concursantes e potenciar a promoción turística da localidade mediante a participación cidadá. Para iso elixiuse a rede social Instagram, tanto pola súa penetración na sociedade, en especial nos estratos máis novos da mesma, como pola viralidade que xerarían as creacións dos propios participantes do certame.