Actualidade

Continúa o festival Osa do Mar de Burela hoxe venres, no escenario Mahou, co concerto de Allova, ás 22 horas e a continuación os ofrecidos por La Plata, Los Vinagres e xa de madrugada Los Jinetes del Trópico e o Zé Pequeno.

Para o sábado 17 de agosto, a sesión Bearmú Gadis, na cervecería O Traste, ten prevista a actuación de Brais Morán, ás 14 horas a de Thee Blind Crows na cercecería Kiko e ás 15 horas, Andreah and the Black Cats actuarán no Hotel Nordés.

Na denominada Tarde de Peixe do festival, porque conta con patrocinio de Absa e da OPP de Lugo, a Casa Miranda acollerá o concerto, ás 18 horas, de Las Antonias e ás 19.15, o escenario será o museo boniteiro do barco Reina del Carmen, onde actuarán Los Pontiaks.

De volta ao escenario Mahou, a partir das 22 horas, tocarán os grupos Kokoshca, Monoulious Dop, Carolina Durante, Ortiga e o Grande Osso xa de madrugada.

Quedarán aínda algúns concertos do CCA Burela ata fin de mes como o do xoves 22 de agosto na cervecería Kiko, ás 21 horas, con Breakin' Bones, o domingo 25 no hotel Sargo, ás 13.30, con The Old Project e o xoves 29, en Casa Miranda, ás 21 horas, con The Wireless.