O Parga Rock celebrarase este ano os días 5 e 6 de setembro
TerraChaXa
O festival de música rock e metal será novamente de entrada gratuíta e levarase a cabo na Carballeira de Parga
20 Jan 2025
A organización do Parga Rock xa deu a coñecer as datas nas que se celebrará o próximo festival musical, nesta parroquia de Guitiriz.
Será por tanto a fin de semana do 5 e 6 de setembro deste ano na que será a súa edición número VIII.
O festival de música rock e metal será novamente de entrada gratuíta e levarase a cabo na Carballeira de Parga con sesión vermú e unha representación dos grupos punteiros neste tipo de música.
A organización non tardará en comunicar as primeiras confirmacións de grupos asistentes.