O Parga Rock pecha o cartel para o festival do día 6 de setembro
Fiel á súa cita coa música rockeira, Parga reunirá este ano oito grupos de música no PargaRock, o festival de balde que abre a programación de setembro nesta vila de Guitiriz.
O primeiro venres e sábado de setembro volverán sonar as guitarras e a música rock da man de grupos de recoñecido prestixio.
Así, xa están confirmados grupos como Sonora Balkumbiera, Cowboys From Jam, que actuarán o sábado xunto a Demenzia Sozial. A esta únense Twisted Rose, Metallijam, Liviao de Marrao ou The Llli Kelly's o sábado.
Completan o cartel The Wizards e Ángelus Apatrida.
Haberá, de novo, un espazo os máis pequenos dentro da nosa programación. Os encargados de tal mester serán este ano Trécola Producións, que presentarán un espectáculo titulado Títeres Subversivos.
Co horario aínda pendente, a organización confirmou que haberá zona de acampada libre para as dúas noites do festival.