O Polo de Friol convoca unha nova acción formativa con empresas gandeiras da zona
O vindeiro xoves 13 de febreiro terá lugar unha xornada organizada polo Polo Friol en colaboración co GDR Comarca de Lugo, Traloagro, Muuhlloa e Bisqato. O evento celebrarase na sede do Polo Friol, situada na rúa Deputación nº 18, 1ª planta, en Friol, e desenvolverase en horario de 11:00 a 13:00 horas.
Nesta sesión, as empresas gandeiras da zona avanzarán nos plans de acción para proxectos colaborativos que foron iniciados en encontros anteriores. A iniciativa enmárcase dentro das accións para potenciar o sector agroalimentario e fomentar a cooperación entre produtores locais.
O evento está financiado pola Unión Europea a través do programa NextGenerationEU e inscríbese no Plan de Recuperación, Transformación e Resiliencia. A Rede de Polos de Emprendemento e Apoio ao Emprego e a FCEL tamén colaboran nesta iniciativa, que busca fortalecer a economía rural mediante a innovación e a cooperación empresarial.