O PP de Meira presenta a candidatura ao completo
“Compromiso de traballo por poñer a Meira no lugar que lle corresponde” é o que define á candidatura do Partido Popular que encabeza Óscar Fernández. “Somos un equipo preparado para gobernar, multidisciplinar, con formación e experiencia profesional en ámbitos de especial relevancia para Meira como son o empresarial, o rural, as infraestruturas ou o sanitario e que combina xuventude e experiencia”, incluso conta co apoio de dous ex alcaldes.
“Somos persoas que facemos a nosa vida en Meira e con inquedanzas sobre o futuro dos nosos nenos -de feito, moitos de nós somos pais-, as oportunidades laborais e de vivenda para asentar familias mozas e a atención aos nosos maiores”, incide o alcaldable.
Nesa liña, lembrou que “temos toda a ilusión e a disposición para desenvolver en Meira un proxecto de futuro”. Entre outros obxectivos, os populares márcanse a aprobación do PXOM que permita a creación de vivenda nova e favoreza o asentamento de poboación, a ampliación do polígono para favorecer a creación ou ampliación de empresas que creen postos de traballo en Meira e a dotación de servizos básicos á zona rural -traídas, mellora das vías de comunicación, acceso a Internet- xunto ao impulso de procesos de reorganización das parcelas agrarias. Igualmente, o Partido Popular defende a mellora dos servizos sociais, a potenciación do turismo e a dinamización da vida cultural e deportiva de Meira como capital de comarca para que sirva como revulsivo para o comercio e a hostalería locais.
CANDIDATURA
- Óscar Fernández Fernández
- Sonia Folgueira Bouso
- Enrique Castro Castro
- Emilio Costa Soto
- Carlos Gómez Castañal
- Román Castro Blanco
- Ramiro Pérez Freijo
- María del Rocío Couso Fernández
- Rosendo Folgueira Valle (Chendo)