O presidente da Deputación reitera o seu compromiso coa residencia de Ourol
TerraChaXa | LugoXa | AMariñaXa
O presidente da Deputación, José Tomé, mantivo esta mañá unha reunión co alcalde de Ourol, José Luis Pajón, para coñecer de primeira man as necesidades do municipio mariñán.
27 sep 2019
O presidente da Deputación, José Tomé, mantivo esta mañá unha reunión co alcalde de Ourol, José Luis Pajón, para coñecer de primeira man as necesidades do municipio mariñán. Tomé aproveitou o encontro para reiterar o compromiso do organismo provincial coa residencia do concello e asegurou que “os veciños e veciñas van ter esta dotación social, poden estar tranquilos e confiar no que lles dixo o seu Alcalde”.
Na rolda de contactos que está a realizar o dirixente do organismo provincial logo da súa chegada á institución, Tomé recibiu tamén ao alcalde de Riotorto, Clemente Iglesias, que aproveitou para trasladarlle as inquedanzas do seu concello.