O PSOE de Abadín reclama ao Concello axudas por nacemento
![bebe axudas recien nacido](https://terrachaxa.com/wp-content/uploads/2021/03/bebe-axudas-recien-nacido.jpg)
Os socialistas de Abadín demanda axudas ao Concello para que incentive prestacións económicas destinadas ás familias por nacementos, adopcións ou acollemento. Así o anunciou o voceiro Socialista de Abadín, Pablo Díaz, quen rexistrou unha moción no Concello sobre este asunto.
Díaz explica que “rexistramos esta proposta, asumindo as dificultades que ten o noso concello para fixar poboación, e tentando presentar iniciativas que contribúan a reverter esta situación que tanto nos afecta. Por iso demandamos ao Concello que habilite axudas económicas para evitar o despoboamento na nosa vila”.
Dende a Agrupación Socialista de Abadín sinalan ademais que na maioría de Concellos da contorna “xa están habilitadas estas axudas, polo tanto entendemos que é unha iniciativa completamente viable”, sinalan.