O Ráncing Vilalbés presentou a Alberto López como novo adestrador do primeiro equipo

Substituirá a Simón Lamas á fronte do banco logo da súa dimisión tralo descenso do equipo a

Acto de presentación do novo adestrador do Vilalbés

O Rácing Club Vilalbés xa ten novo adestrador. O club presentou na tarde deste mércores a Alberto López como novo técnico do equipo para substituír a Simón Lamas, que o dirixiu durante 6 tempadas.

Na presentación o novo adestrador estivo acompañado do presidente do club, Juan José Vázquez Carreira, e do director deportivo, Pablo Vivero.

Alberto López terá como meta volver a levar ao equipo á Segunda RFEF, da que caeu este ano despois dunha tempada histórica. O técnico vén do Viveiro, onde estivo dúas campañas, despois de dirixar outros equipos como 0 Lemos, o Arzúa, a Sarriana, As Pontes e o Castro.

No último ano, o técnico logrou co Viveiro a permanencia tras unha segunda volta magnífica.

Tamén se deu a coñecer a renovación do primeiro capitán, Diego López, así como as baixas de Torrado, Quico e Nathaniel.