O Recuncho volveu a gañar o concurso de tapas de Meira
![tapas meira 2019](https://terrachaxa.com/wp-content/uploads/2019/06/tapas-meira-2019-e1559820607111.jpg)
Procedeuse á apertura das urnas do 8° Concurso de Tapas de Meira e ao reconto de votos. Os resultados obtidos foron moi satisfactorios para os hostaleiros e o gañador deste ano volveu ser O Recuncho coa súa tapa Recuncho con 132 votos, seguido de O Pozo con Pozo e Arguiñano con Arguiñano e flor.
Os establecementos quedaron moi contentos cos resultados acadados e coa cantidade de xente que participou nesta edición do certame de tapas.
As persoas que quixeron degustar estas deliciosas tapas, puideron votar a súa calidade para ter a posibilidade de gañar os premios valorados en 300 euros, 200 euros e 100 euros. Os gañadores foron M.E.E. da Pol, A.B.B. de Pol e S.G.N. tamén de Castro de Rei.
A entrega de premios e diplomas fíxose na Casa do Concello, con todos os participantes e os gañadores do público.