O sábado abre en Muimenta o Museo das Zocas
![museozocas](https://terrachaxa.com/wp-content/uploads/2019/03/museozocas.jpg)
A asociación Xotramu de Muimenta abrirá o 23 de marzo o Museo da Zocas, un proxecto no que leva traballando nos últimos tempo e que estará ubicado no pórtico da igrexa vella de Muimenta.
O Museo das zocas acollerá unha exposición de distintos modelos do tradicional calzado de madeira, así como as ferramentas imprescindibles para a súa fabricación. Entre outras das curiosidades deste novo espazo expositivo figura un carro cargado de bidueira, lembrado así a madeira utilizada como materia prima.
Muimenta ten unha gran tradición zoqueira e de feito chegaron a ser uns 50 artesanos os que traballaban nesta vila.
Xotramu está pendiente de completar a recollida de pezas na que están a colaborar veciños e todo aquel que queira, A deputación foi un dos entes que procedeu ao financiamento desta idea.
A inauguración do Museo das Zocas terá lugar ás 18.000 horas .
![55448546_484128712119367_6379292204371804160_n](https://terrachaxa.com/wp-content/uploads/thumbs/2019/03/55448546_484128712119367_6379292204371804160_n-200x277.jpg)