O SD Pol festexa o día 30 cunha churrascada o seu 40 aniversario
![54257392_1658615330951369_1075570088498692096_o](https://terrachaxa.com/wp-content/uploads/2019/03/54257392_1658615330951369_1075570088498692096_o.jpg)
A Sociedade Deportiva Pol celebrará o 30 de marzo a festa do cuarenta aniversario da súa fundación. Para esta ocasión, o club de fútbol ten prevista a celebración dunha churrascada popular que terá lugar na carballeira de Mosteiro nunha carpa climatizada colocada para a ocasión.
A parte musical estará a cargo de Luar na Lubre e da orquestra Xacobeo, na que vivirán unha xornada importante.
O club milita actualmente en Primeira Autonómica tras ascender o ano pasado e, a falta de 7 xornadas para que remate a Liga, teñen asegurada a permanencia na categoría tras estar situados por riba do medio da táboa.
O conxunto polense xoga no campo Manuel Luna, que está en proceso de remodelación. De feito, aproveitando o ascenso do Pol a Primeira Autómica, o concello instalou unha pequena tribuna no fondo sur para acoller aos afeccionados os días de tempo inclemente de inverno e tamén milloraron o terreo de xogo, de herba natural, para poder xogar en condicións.