O boneco "Filiberto" agarda en Muimenta pola liña cara a Lugo
TerraChaXa
As reclamacións dos veciños e veciñas de Muimenta sobre a recuperación do servizo de transporte público entre a localidade e a capital da provincia nos mesmos horarios que se viña desenvolvendo ata o 7 de agosto continúan.
![filiberto muimenta](https://terrachaxa.com/wp-content/uploads/2017/09/filiberto-muimenta.jpg)
17 sep 2017
As reclamacións dos veciños e veciñas de Muimenta sobre a recuperación do servizo de transporte público entre a localidade e a capital da provincia nos mesmos horarios que se viña desenvolvendo ata o 7 de agosto continúan.
Tras manter unha reunión co delegado territorial da Xunta da que non obtiveron "nada", agora é "o señor Filiberto" -como bautizaron ao boneco- o que se planta ante a parada do bus na praza maior de Muimenta esperando pola liña que o leve á cidade de Lugo.
Este "veciño" de Muimenta comunicoulles aos seus conveciños que "non ía cansar de esperar polo bus", mentres que os veciños e veciñas lle aseguraron que "non imos cansar ata recuperar os servizos de liñas que nos levaban e traían de Lugo".