O seteiro pontés Miguel Alvariño faise co ouro na volta á competición
![EfiMXezXoAAMhyD 1](https://terrachaxa.com/wp-content/uploads/2020/08/EfiMXezXoAAMhyD-1.jpg)
O arqueiro pontés Miguel Alvariño volveu á competición cunha gran actuación no primeiro campionato nacional da tempada, o Gran Premio de España de Toledo. Inmerso aínda na súa pelexa coa Federación por conservar o a súa praza para os adiados xogos olímpicos de Tokio, o deportista do Sílex alzouse coa medalla de ouro.
Recoñece que a fin de semana foi moi prolífico tanto polo seu resultado persoal como por equipos. O seu compañeiro do Sílex, Dani Castro, tamén integrante do equipo nacional, disputou a final contra Alvariño pero tívose que conformar con colgarse a medalla de prata. O terceiro en discordia foi o gran rival do pontés para a praza olímpica, o burgalés Pablo Acha.
Na competición por equipos, o Sílex das Pontes conseguiu a terceira medalla de prata consecutiva poñéndolle as cousas moi complicadas ao seu máximo rival, o Pozuelo.
Esta semana Miguel Alvariño participará no Campionato Galego de Tiro con Arco e, a seguinte, no Campionato de España en Madrid.