O Txoko de Parga convoca este venres un magosto e a festa de Samaín

Será a partir das 19.00 horas no local social do colectivo

A Asociación Cultural O Txoko de Parga organiza este venres 1 de novembro unha festa de Magosto e Samaín no local da asociación. A partir das 19:00 horas, veciños e visitantes están convidados a participar nesta celebración tradicional do outono.

O evento incluirá actividades especiais para nenos e adultos, como máscaras e pintacaras, enmarcadas na temática do Samaín. Esta xornada busca combinar a tradición do magosto, coas súas castañas asadas e espírito de convivencia, coa celebración lúdica e festiva do Samaín.

A actividade conta coa colaboración do Concello de Guitiriz e promete ser unha tarde chea de diversión e cultura para toda a familia.