Os veciños de Viladonga están convocados a unha xuntaza sobre a concentración parcelaria
![concentracion parcelaria viladonga](https://terrachaxa.com/wp-content/uploads/2022/09/concentracion-parcelaria-viladonga.jpg)
Segundo acordaron a Xunta e o Concello de Castro de Rei estase a proceder á elaboración das bases no caso do proceso de concentración parcelaria en Viladonga, para identificar os propietarios e parcelas implicadas. Decretada o ano pasado, cabe sinalar que esta parcelaria abrangue unha superficie de 632 hectáreas.
Debido a esto, o alcade de Castro, Francisco Balado, convocou aos propietarios e demais titulares a unha asemblea para escoller aos membros da xunta local de zona que supervisará o proceso e representará aos agricultores, así como aos integrantes do grupo auxiliar de traballo da zona de concentración.
Esta xuntanza terá lugar o día 7 de outubro, venres, ás 11.00 horas no local social da Comunidade de Montes de Viladonga.
Canto á reestruturación de Triabá tamén activa, actualmente se está a traballar no proxecto da rede principal de camiños, para adecualo ao estudo hidrolóxico solicitado pola Confederación Hidrográfica Miño Sil. Neste caso, a concentración afecta a unha superficie de 1.163 hectáreas, distribuídas nun total de 3.144 parcelas de 555 propietarios.
![xunta concello castro de rei parcelaria](https://terrachaxa.com/wp-content/uploads/thumbs/2022/05/xunta-concello-castro-de-rei-parcelaria-200x104.jpg)