Actualidade

Comezan as actividades de verán no Concello do Vicedo co primeiro dos  mércores de natureza, unhas actividades que se celebran todos os  mércores de xullo e agosto e que tratan de amosar a natureza da localidade desde  diferentes puntos de vista, ben sexa en sendeirismo, ben en rutas en  kayaks, ben mixtas ou mesmo a través de rutas máis específicas como as xeolóxicas.

Comezan as actividades de verán no Concello do Vicedo co primeiro dos  mércores de natureza, unhas actividades que se celebran todos os  mércores de xullo e agosto e que tratan de amosar a natureza da localidade desde  diferentes puntos de vista, ben sexa en sendeirismo, ben en rutas en  kayaks, ben mixtas ou mesmo a través de rutas máis específicas como as xeolóxicas. De feito, se teñen programado dúas xeorutas por primeira vez neste concello (unha en xullo e outra en agosto).
O mércores día 3 será a primeira das actividades de presentación, cun paseo en kayaks e  táboas de paddle Sup. Será ás cinco da tarde, na praia de Abrela, e estará destinada a  maiores de 12 anos, cun prezo especial de 10 euros por persoa .
As persoas interesadas en informarse e apuntarse aos mércores da natureza poden facelo chamando ao teléfono 982 59 01 95.