O Vilalbés B logra o ascenso e o título de campión de Liga a falta de dúas xornadas
![vilalbes b campion liga ascenso](https://terrachaxa.com/wp-content/uploads/2023/03/vilalbes-b-campion-liga-ascenso.jpg)
O Vilalbés B xa é equipo de Segunda Autonómica tras a celebración da xornada deste fin de semana. Ademais logra o título de campión de Liga tras sacar sete puntos de vantaxe ao seguinte clasificado, o Mondoñedo.
O equipo de Iván Lamas venceu o sábado ao Cazás en Catro Ventos por 2-3 e asegúarase o ascenso a falta de dúas xornadas para o remate da Liga. Polo momento, e tras 18 xornadas, suma 13 vitorias e 5 empates a aínda non sabe o que é perder.
Non deixa de ser moi meritorio o ascenso do Vilalbés B, xa que se trata dun equipo que debutou este ano na categoría e que ten como obxectivo recibir aos xogadores da base que terminan o seu ciclo e formalos para poder entrar no primeiro equipo, que milita na Terceira División.
Aos chairegos quédanlles agora dous partidos de trámite, fronte ao Abadín na casa e en Mondoñedo na última xornada de Liga.