O Vilalbés pecha a tempada cun triunfo na final infantil da Copa Deputación ante o Milagrosa
A tempada das categorías de base despediuse esta fin de semana cun encontro marcado pola igualdade e pola calor, no que o Vilalbés se alzou coa Copa Deputación na categoría infantil tras impoñerse por 0-2 ao Milagrosa. A final, celebrada no campo Arturo Pereiro de Castro Ribeiras de Lea, puxo fin ao calendario oficial cun derbi lucense de alto nivel.
Aínda que ambos equipos compartiron grupo na Primeira Infantil ao longo da campaña, o desenlace ligueiro foi ben distinto: o Milagrosa logrou o ascenso a Preferente, mentres que o Vilalbés quedou sen premio ligueiro, pero redimiuse na copa cunha vitoria que lle permite pechar o curso con boas sensacións.
O encontro, moi equilibrado, decidiuse por detalles. O primeiro gol chegou na primeira metade da man de Lucas, que adiantou aos chairegos nun momento clave. Xa no último minuto do partido, Aarón transformou un penalti que selou o resultado definitivo, dándolle ao Vilalbés un título moi celebrado.